Leticia Suárez Zabala (Sotrondio, Asturies, 1990) ye llicenciada en Filoloxía Inglesa, graduada en Llingua Castellana y les sos Lliteratures ya especialista n’asturianu. Trabaya como profesora de llingua y lliteratura, tanto castellana como asturiana.

Escribe poesía y narrativa, participando n’antoloxíes coleutives de la editorial Diversidad Literaria col rellatu «Estréchame entre tus brazos» (Un abrazo desde la raíz, 2025) y dellos poemes y microrellatos.

 

En 2024, gana la primer edición del concursu de haikus organizáu pola Universidá d’Uviéu na categoría d’asturianu, espubilizándose los sos poemes nel llibru I Concurso de Poesía. Todo Haiku florece en primavera (Universidá d’Uviéu, 2025).

 

Arrebatos del corazón ye’l so primer poemariu. Editáu n’asturianu y castellano, asoleya amor por partida doble, afluyendo los sentimientos versu a verso.

Arrebatos del corazón aplaude l’amor sinceru a traviés de cincuenta poemes curtios n’asturianu y les sos respeutives tornes al castellanu, que s’asemeyen a los impulsos repentinos ya inevitables que mueven a toa persona namorada. Nesti marcu, la voz poética espresa lo que-y inspira’l corazón, fonte d’un amor que se mantién intautu acullá les adversidaes.